Google ADS

QKUK: Të aksidentuarit nga Gjilani me lëndime të rënda, por jashtë rrezikut për jetë

18:09 | 7 Mars 2019
L G

Qendra Klinike Universitare e Kosovës (QKUK) ka dhënë detaje rreth gjendjes së të lënduarve në aksidentin tragjik në Gjilan.

Mjeku kujdestar, Naser Syla, ka bërë të ditur se aktualisht në QKUK janë duke u trajtuar tre të lënduar. Sipas tij, të aksidentuarit kanë pësuar lëndime të rënda, por janë jashtë rrezikut për jetë.

“Rreth  orës 16:30 kemi pranuar tri raste nga spitali i Gjilanit të lënduar në aksidentin tragjik. Mosha e tyre është prej 40 deri në 70 vjeçar. Janë prezentuar me lëndime të rënda trupore, por për momentin gjendja e tyre për momentin është stabile. Tek ne i kemi kryer të gjitha ekzaminimet e duhura, tash pritet që t’i dërgojmë nëpër klinikat adekuate që të vazhdon trajtimi i tyre”, ka thënë Syla.

Sipas tij, lëndimet janë më tepër në kokë, dhe janë lëndime të rënda, por gjendja e tyre për momentin është stabile.

Shpërndaje në rrjete sociale

Lajmet më të lexuara

Të ngjashme

Foto lajm